PCYDDS a Llywodraeth Cymru yn cydweithio i gyflymu twf digidol mewn diwydiant

By Lucy Beddal
Dydd Mercher, Ionawr 19, 2022

Mae prosiect Cyflymydd Digidol SMART newydd i helpu diwydiant Cymru i elwa o dechnoleg ddigidol er mwyn cyflymu twf yn cael ei ddarparu gan Brifysgol Cymru Y Drindod Dewi Sant (PCYDDS). Mae'r prosiect yn cael ei ariannu gan Lywodraeth Cymru a'i gefnogi ganGanolfan Ymchwil Gweithgynhyrchu Uwch Cymru (AMRC Cymru).

Ei nod yw darparu cymorth a chyngor arbenigol i weithgynhyrchwyr o Gymru, gan fanteisio ar sgiliau ac arbenigedd y byd academaidd a diwydiant i wella prosesau ac ymgysylltu â gweithwyr talentog ledled y cwmni, gan ysgogi modelau busnes newydd, proffidiol.

Mae'r tîm yn cynnwys cynghorwyr o ddiwydiant a fydd yn gweithio gyda gweithgynhyrchwyr yng Nghymru i'w helpu i nodi'r dechnoleg gywir i hybu cynhyrchiant. Nid oes unrhyw gost ariannol i'r busnes.

Mae gweithgynhyrchu yn rhan annatod o lesiant Cymru yn y dyfodol, ac mae'r prosiect hwn yn ceisio sicrhau bod y diwydiant gweithgynhyrchu yn llewyrchus, yn effeithlon, yn gydnerth ac yn ffynnu.

Gan fod yna gynifer o dechnolegau newydd ar gael, gall fod yn anodd nodi pa rai fydd yn iawn ar gyfer busnes i'w helpu i ddatrys y problemau sy'n ei wynebu heddiw ac a fydd yn ei wynebu fory. Mae'r cyfle gwerthfawr hwn i weithgynhyrchwyr yn darparu mynediad at dîm amrywiol o arbenigwyr talentog a phrofiadol sy'n dod o'r byd academaidd ac o ddiwydiant. Byddant yn gweithio ochr yn ochr â'r busnes i nodi lle y gellid defnyddio technolegau digidol i helpu i fynd i'r afael ag unrhyw heriau. Erbyn diwedd y broses, bydd y busnes yn cael asesiad personol iawn a fydd yn cael effaith ystyrlon a mesuradwy.

Mae'r prosiect hwn yn un o lawer a gynigir gan PCYDDS sy'n cefnogi gweithgynhyrchwyr yng Nghymru. Mae PCYDDS hefyd yn cynnig cyfleoedd ar gyfer uwchsgilio, ac ymchwil a datblygu, trwy ei menter MADE Cymru a ariennir gan yr UE, Gradd-brentisiaethau, ac Academi Sgiliau Gweithgynhyrchu Uwch.

DywedoddRichard Morgan, Arweinydd Prosiect a Phennaeth Arloesi ac Ymgysylltuyn PCYDDS: “Rydyn i gyd yn llawn cyffro am y prosiect newydd hwn. Mae'r tîm cyflenwi yn cynnwys arbenigwyr o ddiwydiant ac o'r byd academaidd – mae'n rym go iawn! Rwy'n gwybod y gallwn wneud gwahaniaeth ac rydym yn edrych ymlaen at weithio gyda gweithgynhyrchwyr ledled Cymru. Mae cynifer o dechnolegau newydd ar gael i fusnesau, a bydd y fenter hon yn eu helpu i wneud y dewisiadau cywir ar eu cyfer ac nid dim ond defnyddio technoleg er mwyn technoleg yn unig.”

DywedoddBarry Liles OBE, Dirprwy Is-Ganghellor Sgiliau a Dysgu Gydol Oes:“美ymgysylltu chyflogwyr darparu cymorth yn elfen allweddol o weledigaeth strategol y Brifysgol, ac mae'n darparu gwerth a budd ychwanegol sylweddol i bob parti. Bydd y cyllid hwn yn galluogi diwydiant i gael mynediad at dechnoleg ac arbenigedd blaengar yn y brifysgol, gan arwain at effaith sylweddol ar waelodlin sefydliadau sy'n allweddol i economi Cymru. Rydym yn edrych ymlaen at weld rhai canlyniadau a fydd yn cynnig esiampl y gallwn ei rhannu â'r gymuned gweithgynhyrchu yng Nghymru.”

DywedoddAndy Silcox, Cyfarwyddwr Ymchwil yn AMRC Cymru: “Mae Cyflymydd Digidol SMART yn brosiect hynod gyffrous a fydd yn cael effaith, nid yn unig i’r cwmnïau sy’n ymwneud yn uniongyrchol â’r rhaglen, ond hefyd i gymuned gweithgynhyrchu ehangach Cymru. Bydd y rhaglen yn creu nifer o astudiaethau achos o fywyd go iawn, a fydd yn amlygu pŵer technolegau digidol newydd i gynyddu cynhyrchiant ac i helpu gweithgynhyrchwyr i gyrraedd eu nodau o ran cynaliadwyedd.”

Gallwch gael gwybod rhagor trwy anfon neges e-bost ataccelerator@www.guaguababy.com